་མི་རིགས་ལས་རིགས་སློབ་གྲྭ།
དུས་ཚོད། ： 2016-12-06 རགས་གཟིགས་ཐེངས་གྲངས།：
སློབ་གྲྭ་ནི་མཚོ་བབ་༣༧༠༠ཡན་གྱི་མཚོ་སྔོན་ཞིང་ཆེན་མགོ་ལོག་བོད་རིགས་རང་སྐྱོང་ཁུལ་གཅིག་སྒྲིལ་རྫོང་སྨན་ཐང་ཤང་དུ་ཆགས་ཤིང་། སློབ་གྲྭ་འདི་སྨན་ཐང་དགོན་པའི་དགོན་བདག་རྡོ་རྗེ་བརྟན་རིན་པོ་ཆེས་ཆེད་དུ་ཞིང་འབྲོག་མང་ཚོགས་ཀྱི་དབུལ་པོའི་དུད་ཚང་གི་ན་ཆུང་བྱིས་པ་དག་ལ་སློབ་གསོའི་ཁོར་ཡུག་བཟང་པོ་ཞིག་བསྐྲུན་པ་དང་ཕ་ཡུལ་གྱི་འཇོན་ཐང་མི་སྣ་སྔར་ལས་མང་བ་གསོ་སྐྱོང་གི་ཆེད་དུ་གསར་འཛུགས་བྱས་པ་ཡིན།
རྡོ་རྗེ་བརྟན་མི་རིགས་ལས་རིགས་སློབ་གྲྭ།
༡༩༩༧ལོར་མགོ་ལོག་ཁུལ་དང་གཅིག་སྒྲིལ་རྫོང་གི་འགོ་ཁྲིད་དང་། སློབ་གསོ་ཅུས་དེ་མིན་འབྲེལ་ཡོད་སྡེ་ཁག་གི་རྒྱབ་སྐྱོར་ཆེན་པོ་དང་། སྤྲུལ་སྐུ་རྡོ་རྗེ་བརྟན་གྱི་འབད་བརྩོན་ལྷོད་མེད་དང་ངལ་བ་ཁྱད་བསད། སྤྱི་ཚོགས་ཀྱི་དགེ་སེམས་ཆེ་བའི་མི་སྣ་རྣམས་ཀྱི་ཐུགས་ཁུར་དང་རྒྱབ་སྐྱོར་འོག་ལོ་ངོ་༡༣རིང་གི་འབད་པ་བརྒྱུད། སློབ་གྲྭ་དབུ་བརྙེས་པ་རེད། དེ་ནི་སློབ་མ་མང་པོ་དག་ལ་སློབ་གསོའི་ཁོར་ཡུག་དག་མ་ཞིག་བསྐྲུན་ཆེད་ཡིན།
མི་སྔར། ལས་རིགས་སློབ་གྲྭས་སྔ་རྗེས་སུ་རྒྱ་ཡིག་དང་བོད་ཡིག དབྱིན་ཡིག གྲངས་རིག ཆབ་སྲིད། ས་ཁམས། ལོ་རྒྱུས་སོགས་རིག་གནས་བསླབ་གཞི་དང་། ད་དུང་མི་རིགས་རོལ་དབྱངས། མཛེས་རྩལ་ཐང་ག བོད་ཀྱི་སྨན་བཅོས། མི་རིགས་རྒྱན་གོས་སོགས་སླབ་ཚན་གང་མང་འཛུགས་ཡོད། འཚོ་བའི་འགྲོ་གྲོན་རང་གིས་ཕུད་དགོས་པ་མ་གཏོགས་དེ་མིན་གྱི་འགྲོ་གྲོན་ཡོད་ཚད་སློབ་གྲྭའི་སློབ་གཙོ་སྤྲུལ་སྐུ་རྡོ་རྗེ་བརྟན་གྱིས་བཏང་བཞིན་ཡོད།
ཕན་བདེ་ཐང་ག་གསར་འཛུགས་པ་དངོས་གྲུབ་ཀྱིས་ལས་རིགས་སློབ་གྲྭའི་མཛེས་རྩལ་ཚན་ཁག་གི་འགན་ཁུར་མི་སྣ་བཟོས་ནས་མཛེས་རྩལ་གྱི་སློབ་ཚན་ཡོད་ཚད་ལ་དོ་དམ་བྱེད་བཞིན་ཡོད།
