ཚུལ་ཁྲིམས་རབ་བརྟན།
དུས་ཚོད། ： 2016-11-01 རགས་གཟིགས་ཐེངས་གྲངས།：
ཚུལ་ཁྲིམས་རབ་བརྟན།
ཁོང་ནི་༡༩༧༩ལོར་སི་ཁྲོན་ཞིང་ཆེན་རྔ་བ་བོད་རིགས་རང་སྐྱོང་ཁུལ་ཟང་ཆུ་རྫོང་གི་བོད་པའི་ཁྱིམ་ཚང་དཀྱུས་མ་ཞིག་ཏུ་སྐྱེས་ཤིང་བོད་ལྗོངས་རིམ་པ་དང་པོའི་ལྷ་རིས་པ་ཡིན།
ཁོས་ཞང་བོད་ཐང་གའི་སྒྱུ་རྩལ་ལྟེ་གནས་གསར་དུ་སྒྲུབ་ཅིང་ཡིན་ཞིང་སྔ་རྗེས་སུ་མཚོ་སྔོན་རེབ་གོང་སེངྒེ་གཤོང་མ་མགོ་དགའ་ལྡན་ཕུན་ཚོགས་གླིང་གི་ལྷ་རིས་པ་མཁས་ཅན་དག་དང་སྨན་ལུགས་ཀྱི་དགེ་རྒན་ཆེན་མོ་ཚུལ་བརྟན་རྣམ་རྒྱལ་སོགས་དགེ་རྒན་དུ་མར་བསྟན་ནས་རི་མོ་ལ་མཁས་པ་སྦྱོང་།
༢༠༠༧ལོའི་ཟླ་༩པར་བོད་ལྗོངས་སྒྱུ་རྩལ་སློབ་གླིང་གི་དགེ་རྒན་ཆེན་མོ་བསྟན་པ་རབ་བརྟན་གྱི་སྐུ་མདུན་ནས་སྨན་ལུགས་བྲིས་རྒྱུན་ལ་འབད་པ་ལྷོད་མེད་ངང་སྦྱོང་བ་མཐར་ཕྱིན་མཛད་པས་ན་༢༠༡༣ལོའི་ཟླ་༥པར་རྒྱལ་ཁའི་ངང་སློབ་མཐར་ཕྱིན་པ་དང་དུས་མཚུངས་སུ་ཕུལ་བྱུང་སློབ་མའི་མཚན་སྙན་ཐོབ། མཚོན་བྱེད་བརྩམས་ཆོས་ལ་༼ཤཀྱ་ཐུབ་པ་༽དང་༼སྤྱན་རས་གཟིགས་ཕྱག་བཞི་བ།༽དེ་མིན་༼ཀླུ་ཁམས་༽དང་༼པཎ་ཆེན་སྐུ་ཕྲེང་བཞི་བ་༽སོགས་ཀྱི་བརྩམས་ཆོས་དག་མང་ལ་དེ་དག་གིས་ཀྱང་རྒྱལ་ནང་གི་ས་གནས་སོ་སོ་ནས་གསེར་གྱི་རྟགས་མ་དང་ཟངས་ཀྱི་རྟགས་མ། ཨང་དང་པོའི་བྱ་དགའ།
༢༠༡༣ལོའི་ཟླ་༩པར་རྒྱལ་ཁབ་ཟློས་གར་གླིང་ཆེན་གྱི་སྐབས་གཉིས་པའི་ཞིབ་མཐུན་བོད་ལྗོངས་མཛེས་རྩལ་བརྩམས་ཆོས་འགྲན་བསྡུར་ཁྲོད་གསེར་གྱི་རྟགས་མའི་བྱ་དགའ་བླངས།
༢༠༡༣ལོའི་ཟླ་༡༠པར་ཀྲུང་གོའི་ཆེས་བཟང་བ་བཅུའི་དམངས་ཁྲོད་སྒྱུ་རྩལ་པར་གདམས་པ་སོགས་གཟེངས་བསྟོད་གང་མང་ཐོབ་མྱོང་།
༢༠༡༤ལོར་གདན་ཞུ་ལྟར་ཐའེ་བྱང་ཕོ་བྲང་དངོས་མང་སྟོན་གླིང་དུ་བོད་ལྗོངས་ཐང་ག་བརྩམས་ཆོས་འགྲེམས་སྟོན་བྱས་དང་དེ་ཚང་གིས་ཉར་ཚགས་བྱས།
ད་ལྟ་ཞང་བོད་ཐང་གའི་སྒྱུ་རྩལ་ལྟེ་གནས་ཀྱི་སྤྱིའི་འགན་ཁུར་བ་དང་བོད་ལྗོངས་མཛེས་རྩལ་པའི་མཐུན་ཚོགས་ཀྱི་ཁོངས་མི། བོད་ལྗོངས་དམངས་ཁྲོད་རིག་རྩལ་པའི་མཐུན་ཚོགས་ཀྱི་ལས་འཛིན་པ་སོགས་ཀྱི་འགན་བཞེས་བཞིན་ཡོད།
