དངོས་གྲུབ།

དུས་ཚོད། : 2016-12-06 རགས་གཟིགས་ཐེངས་གྲངས།:

དངོས་གྲུབ།
    ལྷ་རིས་པ་དངོས་གྲུབ་ནི་༡༩༧༠ལོར་དཀར་མཛེས་རྫོང་ཉི་ཁོག་ཡུལ་དུ་སྐྱེས་ཤིང་སྨན་ཐང་ལུགས་ཀྱི་བྲིས་རྒྱུན་རྒྱུན་འཛིན་པ་ཡིན། ད་ལྟ་ཕན་བདེ་ཐང་ག་བརྗེ་རེས་ལྟེ་གནས་ཀྱི་འགན་ཁུར་བ་དང་། མཚོ་སྔོན་གཅིག་སྒྲིལ་རྫོང་རྡོ་རྗེ་བརྟན་ལག་རྩལ་ལས་རིགས་སློབ་གྲྲའི་མཛེས་རྩལ་ཚན་ཁག་དང་གསེར་རྟ་ལས་རིགས་སློབ་གྲྭའི་མཛེས་རྩལ་ཚན་ཁག་བཅས་ཀྱི་རི་མོའི་བསླབ་ཚན་ཚང་མ་རང་འགན་ཁུར་བའི་མཛུབ་སྟོན་དགེ་རྒན་གྱི་འགན་བཞེས་བཞིན་ཡོད།
   ༡༩༨༥ལོར་ཐེངས་དང་པོ་སྨན་ཐང་ལུགས་ཀྱི་བྲིས་རྒྱུན་ལ་གོམ་ཁ་བསྙེགས་ཏེ་སྦྱོང་བརྩོན་བྱས།
   ༡༩༩༣ལོར། རེབ་གོང་ཤ་བོ་རྒྱལ་དང་འགྲོགས་ནས་སྨན་གསར་ལུགས་ཀྱི་བྲིས་རྒྱུན་ལ་སྦྱོང་བ་མཛད།
   ༢༠༠༤ལོར། དབུས་ལྷ་ས་རུ་སོང་ནས་རྒྱལ་རབ་རིམ་པའི་སྨན་ཐང་ལུགས་ཀྱི་རྒྱུན་འཛིན་པ་ཆེན་མོ་དགེ་རྒན་བསྟན་པ་རབ་བརྟན་གྱི་སྐུ་མདུན་ནས་སྨན་ཐང་ལུགས་ཀྱི་ཐང་ག་སྒྱུ་རྩལ་ལ་སྦྱོང་བ་མཐར་ཕྱིན་མཛད།
   ༢༠༡༠ལོར་དགེ་རྒན་ཆེན་མོ་བསྟན་པ་རབ་བརྟན་གྱིས་སྨན་རྙིང་ལུགས་ཀྱི་ཕུལ་བྱུང་རྒྱུན་འཛིན་པའི་མཚན་སྙན་བཞེས་ཏེ་རྒྱལ་ཁའི་ངང་སློབ་མཐར་ཕྱིན།
གཟེངས་བསྟོད་བྱ་དགོས།
    ༡ ༢༠༡༠ལོའི་ཟླ་༡༠པར་ཀྲུང་གོའི་བོད་ལྗོངས་ཐང་ག་སྨན་ལུགས་རྒྱུན་འཛིན་པའི་མཚན་སྙན་དང་ཕུལ་བྱུང་རི་མོ་བ་ཅེས་པའི་མཐར་ཕྱིན་དཔང་ཡིག་ལེན་པ།
    ༢   ༢༠༡༡ལོའི་ཟླ་༡༠པར་ཐེངས་གཉིས་པའི་བོད་ལྗོངས་ཐང་གའི་རིག་གནས་སྒྱུ་རྩལ་འགྲེམས་སྟོན་ཁྲོད་རིམ་པ་གསུམ་པའི་ཐང་ག་རི་མོ་བའི་བྱ་དགའ་ཐོབ།
    ༣  ༢༠༡༣ལོའི་ཟླ་༥པར་ཐེངས་དང་པོའི་ཀརྨ་བི་ཤོ་བུམ་པ་རྟགས་ཅན་གྱི་ན་གཞོན་པའི་ཕུལ་བྱུང་ཐང་ག་དང་བོད་ཀྱི་ཡིག་གཟུགས་བརྩམས་ཆོས་འགྲེམ་སྟོན་ཁྲོད་རིམ་པ་གཉིས་པའི་ཐང་ག་རི་མོ་བའི་མཚན་སྙན་ཐོབ།
ཚོགས་ཞུགས་བྱེད་སྒོ།
    ༡  ༢༠༡༣ལོའི་ཟླ་༡༠པའི་ཚེས་༡༥ཉིན་སྐབས་དང་པོའི་སི་ཁྲོན་ཞིང་ཆེན་གྲོང་ཆེན་རིག་གནས་མིང་བྱང་འདེམས་གསེས་བྱ་འགུལ་ཁྲོད་སི་ཁྲོན་ཞིང་ཆེན་ཆེས་འཕེལ་རྒྱས་ཀྱི་ནུས་ཤུགས་ལྡན་པའི་གྲོང་ཁྱེར་རིག་གནས་མིང་བྱང་གི་མཚན་སྙན་ཐོབ།
    ༢  ༢༠༡༥ལོའི་ཟླ་༡པོའི་ཚེས་༣་ལ་དངོས་གྲུབ་ཀྱི་བརྩམས་ཆོས་སྒྲོལ་མ་དཀར་པོས་སི་ཁྲོན་དངོས་མིན་སྤུས་ལེགས་ཤུལ་བཞག་རིག་གནས་པེ་ཅིང་དུ་བསྐྱོད་པའི་སྙན་ཞུ་འགྲེམས་སྟོན་ཁྲོད་གསེར་གྱི་རྟགས་མའི་བྱ་དགའ་ཐོབ།
   ༣   ༢༠༡༥ལོའི་ཟླ་༡༡པར་སི་ཁྲོན་ཞིང་ཆེན་སྐབས་གསུམ་པའི་དམངས་ཁྲོད་སྒྱུ་རྩལ་མཁས་ཆེན་དཔྱོད་འཇོག་ཨུ་ཡོན་ལྷན་ཚོགས་ཀྱིས་སི་ཁྲོན་ཞིང་ཆེན་དམངས་ཁྲོད་སྒྱུ་རྩལ་༼ཐང་གའི་བཟོ་རྩལ་༽ལྷ་རིས་པ་ཆེན་མོའི་གཟེངས་བསྟོད་བྱ་དགའ་གནང་།