བདུད་ལྷ་ཚེ་བརྟན།
དུས་ཚོད། ： 2016-12-06 རགས་གཟིགས་ཐེངས་གྲངས།：
བདུད་ལྷ་ཚེ་བརྟན།
བདུད་ལྷ་ཚེ་བརྟན་ནི་ཀན་སུའུ་ཞིང་ཆེན་ཀན་ལྷོ་བོད་རིགས་རང་སྐྱོང་ཁུལ་བསང་ཆུ་རྫོང་སྐྱིད་ཚང་ཤང་འགོ་ཡག་གྲོང་ནས་ཡིན་ཞིང་ཀྲུང་གོའི་དམངས་སྲོལ་པར་ལེན་མཐུན་ཚོགས་ཀྱི་ཁོངས་མི་དང་ཀན་སུའུ་ཞིང་ཆེན་མཛེས་རྩལ་མཐུན་ཚོགས་ཀྱི་ཁོངས་མི། ཀན་སུའུ་མི་རིགས་དགེ་འོས་སློབ་གླིང་གི་གདན་ཞུ་དགེ་རྒན། ཀན་ལྷོ་ཁུལ་དངོས་མིན་ཤུལ་བཞག་རིག་གནས་ཤུལ་བཞག་ཞིབ་བཤེར་ཆེད་མཁས་པ། བོད་ལྗོངས་སློབ་གྲྭ་ཆེན་མོའི་མཛེས་རྩལ་གླིང་ཐང་ག་ཆེད་གཉེར་གྱི་དགེ་རྒན་ཆེན་མོ་གཞན་པ་སོགས་ཀྱི་འགན་བཞེས་བཞིན་ཡོད།
༡༩༩༣ལོ་ནས་༡༩༩༧ལོའི་བར། ཀན་ལྷོ་བོད་རིགས་འབྲིང་རིམ་ཆེད་སྦྱོང་སློབ་གྲྭ་རུ་དགེ་རྒན་བྱས།
༡༩༩༧ལོ་ནས་༢༠༠༤ལོའི་བར། བོད་ལྗོངས་སློབ་གྲྭ་ཆེན་མོའི་སྒྱུ་རྩལ་སློབ་གླིང་དུ་དགེ་རྒན་ཆེན་མོ་བསྟན་པ་རབ་བརྟན་དང་ཡེ་ཤེས་ཤེས་རབ་སོགས་ཀྱི་སྐུ་མདུན་ནས་བོད་ཀྱི་སྲོལ་རྒྱུན་མཛེས་རྩལ་གྱི་རིག་གཞུང་དང་རི་མོའི་བྲིས་རྩལ་ཆ་ཚང་བསླབས།
༢༠༠༤ལོར་བོད་ཀྱི་མཛེས་རྩལ་རིག་པའི་རབ་འབྱམས་པའི་ཐོབ་ཐང་དཔང་ཡིིག་ལེན།
༢༠༠༤ལོ་ནས་༢༠༡༥ལོའི་བར་ནུབ་བྱང་མི་རིགས་མཛེས་རྩལ་སློབ་གླིང་དུ་དགེ་རྒན་གྱི་འགན་བཞེས།
༢༠༠༥ལོར། སློབ་གླིང་གི་འགོ་ཁྲིད་ཀྱི་མཛུབ་སྟོན་འོག་ནུབ་བྱང་མི་རིགས་སློབ་གྲྭ་ཆེན་མོའི་བོད་ཀྱི་མཛེས་རྩལ་༼ཐང་ག་༽ཆེད་ལས་ཀྱི་འབྲེལ་ཡོད་ལས་ཀའི་སྙན་ཞུ་དང་འཆར་འགོད་ལས་དོན་སྒྲུབ།
༢༠༠༦ལོར། མཉམ་འབྲེལ་ངང་རྒྱལ་ཡོངས་སྒྱུ་རྩལ་ཚན་རིག་ལོ་ལྔའི་འཆར་གཞི་ཨང་བཅུ་པའི་འཆར་འགོད་དེ་༢༠༠༥ལོའི་དམིགས་འབེན་༼ཨ་མདོ་བོད་ཁུལ་ཀན་སུའུ། མཚོ་སྔོན། སི་ཁྲོན་གནའ་རབས་མཛེས་རྩལ་ཤུལ་བཞག་ཞིབ་འཇུག་༽གི་རྩོམ་སྒྲིག་འགན་ཁུར་བྱས་ཏེ་ཀྲུང་གོའི་རྩོམ་རིག་མཉམ་འབྲེལ་དཔེ་སྐྲུན་ཁང་གིས་དཔར་དུ་སྐྲུན།
༢༠༠༧ལོར། རྒྱལ་ཁབ་དམངས་ཨུའུ་ཆོག་མཆན་གནང་བ་བརྒྱུད་ནུབ་བྱང་མི་རིགས་སློབ་གྲྭ་ཆེན་མོ་མཛེས་རྩལ་སློབ་གླིང་དུ་དངོས་སུ་བོད་རིགས་ཐང་ག་ཆེད་གཉེར་བྱས་པའི་དངོས་གཞི་འཛིན་གྲྭའི་སློབ་མ་བསྡུས་པ་རེད།
༢༠༠༧ལོར། བོད་ཀྱི་གཞི་རྒྱ་ཆེ་བའི་གླུ་གར་༼བོད་སྔགས་༽ཞེས་པའི་ཆོས་ལུགས་བློ་འདྲི་བྱ་ཡུལ་བྱས་ཤིང་བོད་བརྒྱུད་ཆོས་ལུགས་སྒྱུ་རྩལ་གྱི་གར་དང་མཛེས་རིས་ལ་འཆར་འགོད་སྒྲིག་བཟོ་བྱས། ལོ་དེར་༼བོད་ཀྱི་དམངས་ཁྲོད་སྒྲུང་གཏམ་༽དང་༼རོ་སྒྲུང་༽། ༼སྒྲུང་གཏམ་གཅེས་བཏུས་་༽སོགས་དུས་དེབ་ཐོག་ཏུ་པར་རིས་༡༠༠ལྷག་བཀོད་མྱོང་།
༢༠༠༨ལོར། རང་སྒེར་གྱིས་ཀྲུང་གོའི་གྲངས་ཉུང་མི་རིགས་མཐོ་རིམ་མཛེས་རྩལ་སློབ་དེབ་སྟེ་༼ཐང་ག་རི་མོའི་བསླབ་གཞི་༽རྩོམ་སྒྲིག་བྱས་ཤིང་། དེབ་འདི་ནི་རྒྱལ་ཁབ་༢༡༡ལས་གཞིའི་ཀྲུང་དབྱང་མི་རིགས་སློབ་གྲྭ་ཆེན་མོའི་དུས་རིམ་གསུམ་པའི་གལ་ཆེའི་སློབ་དེབ་ལས་གཞི་ཡིན།
༢༠༠༨ལོར། བདུད་ལྷའིི་སྒྱུ་རྩལ་ལས་སྒྲུབ་ཁང་གསར་འཛུགས་བྱས་ཤིང་ལོ་དེར་བོད་ཀྱི་མཛེས་རིས་དུས་དེབ་སྟེ་༼ཐང་གའི་འཇིག་རྟེན་༽གསར་དུ་བསྐྲུན་པ་དང་དུས་མཚུངས་སུ་བདུད་ལྷའི་ཐང་ག་དྲ་བའང་དྲ་ཐོག་ནས་སྤེལ།
༢༠༠༩ལོར། བདུད་ལྷ་སྒྱུ་རྩལ་ལས་སྒྲུབ་ཁང་གིས་ཀན་སུའུ་རི་མོའི་གླིང་དུ་ཀན་སུའུ་ཞིང་ཆེན་སྐབས་དང་པོའི་རྒྱ་ཆེ་བའི་ཐང་ག་འགྲེམས་སྟོན་བྱས་ཤིང་རྒྱ་ཆེའི་མང་ཚོགས་ཀྱིས་བསྔགས་བརྗོད་ཀྱི་མེ་ཏོག་གཏོར།
༢༠༡༠ལོར། ནུབ་བྱང་མི་རིགས་སློབ་གྲྭ་ཆེན་མོའི་ཆེས་ཐོག་མར་སློབ་ཆེན་སློབ་མའི་DVགློག་བརྙན་༼ལམ་དུ་ཆས་བཞིན་ཡོད་༽ཅེས་པ་བརྙན་ཕབ་ལེན་ལ་རྩ་འཛུགས་འཆར་འགོད་བྱས། མི་སྣ་གཙོ་བོ་ནི་ཐང་ག་སློབ་མ་དག་ལ་གྲུབ་པ་ཡིན་ལ་ལོ་དེའི་ཟླ་༡༢པར། གློག་བརྙན་འདིས་ཝུའུ་ཧན་དུ་བསྡུས་པའི་རྒྱལ་ཡོངས་སློབ་ཆེན་སློབ་མའི་DVགློག་བརྙན་འགྲན་ཚོགས་ཁྲོད་ཨང་དང་པོའི་བྱ་དགའ་བླངས།
༢༠༡༠ལོར། སྐབས་ལྔ་བའི་པེ་ཅིན་རྒྱལ་སྤྱའི་རིག་གནས་གསར་གཏོད་ཐོན་ལས་དངོས་མང་སྟོན་ཚོགས་ཀྱི་གཙོ་སྟོན་ཁྲོད་བདུད་ལྷ་ལས་སྒྲུབ་ཁང་གི་བརྩམས་ཆོས་༦༠འགྲེམས་སྟོན་བྱས།
༢༠༡༠ལོར། ༢༠༡༠ལོའི་རྒྱལ་ཡོངས་ཕུལ་བྱུང་དགེ་རྒན་གྱི་མཚན་སྙན་ཐོབ་ཅིང་དུས་མཚུངས་སུ་༼བོད་ཀྱི་མཛེས་རྩལ་ལོ་རྒྱུས་མདོར་བསྡུས་༽ཀྱིས་རྒྱལ་ཡོངས་སློབ་གསོ་བཅོས་བསྒྱུར་དཔྱོད་རྩོམ་འགྲན་བསྡུར་ཁྲོད་ཨང་དང་པོའི་བྱ་དགའ་བླངས།
༢༠༡༠ལོར། ཐང་སྟོང་རིང་མོ་༼རྗེ་ཙོང་ཁ་པའི་དགེ་ཚོགས་ཀུན་འདུས་ཀྱི་༽བློ་འདྲི་ཡུལ་དུ་གྱུར།
༢༠༡༡ལོར། བོད་ལྗོངས་བརྙན་འཕྲིན་ཁང་གི་བོད་སྐད་ལེ་ཚན་དུ་༼བདུད་ལྷ་ཚེ་བརྟན་དང་ཁོའི་སྒྱུ་རྩལ་གྱི་ལམ་བུ་༽ཆེད་དམིགས་སྤེལ་གཏོང་བྱས་པ་རེད།
