སྲི་ཏཱ་ཐཱ།

དུས་ཚོད། : 2016-11-01 རགས་གཟིགས་ཐེངས་གྲངས།:

སྲི་ཏཱ་ཐཱ།
    ལྷ་རིས་པ་ཆེན་མོ་སྲི་ཏཱ་ཐཱ་༡༩༦༣ལོར་སྐྱེས་ཤིང་ད་ལྟ་སི་ཁྲོན་ཞིང་ཆེན་བཟོ་རྩལ་མཛེས་རིས་ཀྱི་རི་མོ་བ་མཁས་ཅན་དང་རྒྱལ་ཁབ་རིམ་པ་གཉིས་པའི་གར་སྟེགས་མཛེས་རྩལ་ཇུས་འགོད་པ་ཆེན་མོ། སི་ཁྲོན་ཞིང་ཆེན་ཆེས་ཐོག་མའི་ལག་ཤེས་པ་ཆེན་མོའི་ལས་སྒྲུབ་ཁང་གི་དབང་ཆ་སོགས་ཐོབ་མྱོང་། ཁོང་ནི་རྒྱ་རོང་གི་ལྷ་རིས་པ་གྲགས་ཅན་དང་འབུར་བརྐོས་ལག་ཤེས་པ་ཆེན་མོ་ཚེ་བརྟན་ལྷ་ནོར་བསྟན་པ་ནོར་བུའི་མི་རབས་ལྔ་པའི་རྒྱུན་འཛིན་པ་ཡིན་ཞིང་རྔ་བ་ཁུལ་དངོས་མིན་ཤུལ་བཞག་རིག་གནས་ཀྱི་ལྟེ་བའི་ཀྲུའུ་རེན་དང་རྔ་བ་ཁུལ་ཐོན་ལས་ལྟེ་བའི་ཀྲུའུ་རེན། རྔ་བ་ཁུལ་བོད་རིགས་མཐུན་ཚོགས་ཀྱི་ཚོགས་གཙོ་གཞོན་པ་དང་། རྔ་བ་ཁུལ་སྤྱི་ཚོགས་ཚན་རིག་རྒྱུན་ལས་ལས་འཛིན་པ་བཅས་ཡིན།  འབར་ཁམས་གཡང་ནོར་མི་རིགས་རིག་གནས་ཞིབ་འཇུག་ཁང་ཚད་ཡོད་ཀུང་སིའི་ཏོང་ཧྲི་ཀྲང་དང་སི་ཁྲིན་ཞིང་ཆེན་སྲི་ཏཱ་ཐཱ་ཐང་ག་སྒྲིིག་བཟོའི་ལག་ཤེས་པ་ཆེན་མོའི་ལས་སྒྲུབ་ཁང་གི་སྣེ་ཁྲིད་པ་བཅས་ཡིན། 
    སྲི་ཏཱ་ཐཱ་ཡིས་གསར་རྩོམ་བྱས་པའི་ཚོན་བཀྱེ་འབུར་བརྐོས་ཅི་བསམ་དོན་འགྲུབ་༼དེང་རབས་ཀྲུང་འཇའ་མཛེས་རིས་ཀུན་གསལ་༽་ཐོག་ཏུ་བཀོད་ཅིང་། ༢༠༠༠ལོར་༼དེང་རབས་ཉེར་གཅིག་མི་སྣ་འཇོན་ཐང་ཅན་གྱི་རིག་མཛོད་ལས་གཞིའི་༽ནང་དུ་ནང་འཇུག་བྱས་ཡོད། ཚོན་བཀྱེ་འབུར་བརྐོས་བརྩམས་ཆོས་བདུད་རྩི་༼སི་ཁྲོན་བོད་ཁུལ་སྒྱུ་རྩལ་པའི་བརྩམས་ཆོས་ཚོགས་འདུས་༽ནང་དུ་སྤེལ་བ་རེད། ཇུས་འགོད་བྱས་པའི་མི་རིགས་འབུར་བརྐོས་བཟོ་རྩལ་ཐོན་རྫས་ཤིང་ཏོག་སྡེར་མས་གསེར་གྱི་རྟགས་མའི་བྱ་དགའ་བླངས་བ་དང་བུ་རམ་སྡེར་མ་དང་རྩམ་སྒམ། སྤོས་སྒམ་སོགས་ཀྱིས་སི་ཁྲོན་ཞིང་ཆེན་ཕུལ་བྱུང་ཡུལ་བསྐོར་དྲན་རྟེན་དཔྱད་བསྡུར་འདེམས་བསྐོས་ཁྲོད་གསེར་གྱི་རྟགས་མ་དང་ཕུལ་བྱུང་བྱ་དགའ་ཐོབ་པ་རེད།  སྐབས་དྲུག་པའི་ཀྲུང་གོའི་བཟོ་རྩལ་མཛེས་རིས་མཁས་ཅན་བརྩམས་ཆོས་སྟེ་བཟོ་རྩལ་མཛེས་རིས་སྤུས་ལེགས་དངོས་མང་སྟོན་ཚོགས་ཁྲོད་ཚོན་བཀྱེ་བརྩམས་ཆས་༼གནས་བརྟན་བཅུ་དྲུག་མཚོ་བསྐོར་རི་མོ་༽ལ་ཕུལ་བྱུང་བྱ་དགའ་ཐོབ། ཁོང་ནི་ཀྲུང་གོ་རྔ་བ་ཁུལ་དངོས་མིན་ཤུལ་བཞག་རིག་གནས་སྲུང་སྐྱོབ་མཐུན་ཚོགས་ཀྱི་དྲུང་ཡིག་ཆེན་མོ་དང་རྔ་བ་ཁུལ་བོད་ཆང་རིག་གནས་འགྲུལ་ལམ་ཐོན་ལས་མཐུན་ཚོགས་ཀྱི་དྲུང་ཡིག་ཆེན་མོ་ཡིན། རྔ་བ་ཁུལ་དམངས་ཁྲོད་སྒྱུ་རྩལ་བརྩམས་ཆོས་ལག་ཤེས་བཟོ་ལས་མཛེས་རྩལ་མཁས་ཅན་གྱི་བརྩམས་ཆོས་བཤམས་སྟོན་ཆེན་མོའི་ཁྲོད་བརྩམས་ཆོས་༼བཀྲ་ཤིས་སྟེགས་སྒྲོན་༽གྱིས་ཟངས་ཀྱི་རྟགས་མའི་བྱ་དགའ་བླངས། སྐབས་དགུ་བའི་ཀྲུང་གོའི་བཟོ་རྩལ་མཛེས་རིས་མཁས་ཅན་བརྩམས་ཆོས་ཏེ་རྒྱལ་སྤྱིའི་སྒྱུ་རྩལ་སྤུས་ལེགས་འགྲེམས་སྟོན་ཚོགས་འདུའི་ཐོག་བརྩམས་ཆོས་༼ཨུ་རྒྱན་པད་མ༽་ཡིས་ལྷ་ཡི་བཟོ་རྩལ་གླིང་གི་མེ་ཏོག་སྣ་བརྒྱའི་བུམ་པ་སྤུས་ལེགས་གསེར་གྱི་རྟགས་མའི་བྱ་དགའ་བླངས། ༼སྒྲོལ་མའི་དཀྱིལ་འཁོར་༽ལ་ལྷ་ཡི་བཟོ་རྩལ་གླིང་གི་མེ་ཏོག་སྣ་བརྒྱའི་བུམ་པ་སྤུས་ལེགས་ཕུལ་བྱུང་བྱ་དགའ་བླངས། སི་ཁྲོན་ཞིང་ཆེན་སྐབས་དྲུག་པའི་གྲངས་ཉུང་མི་རིགས་སྒྱུ་རྩལ་དུས་ཆེན་རིག་གནས་འགྲེམས་སྟོན་ཚོགས་འདུའི་ཐོག་ཚོན་བཀྱེ་འབུར་བརྐོས་༼སྒྲོལ་ལྗང་དཀྱིལ་འཁོར་༽དང་༼རྡོ་རྗེ་སྲུང་མ༽་གཉིས་ལ་དངུལ་གྱི་རྟགས་མའི་བྱ་དགའ་བླངས། ཐང་ག་༼སློབ་དཔོན་པད་མ་འབྱུང་གནས་༽ལ་དངུལ་གྱི་རྟགས་མའི་བྱ་དགའ་བླངས་བ་དང་། ༢༠༡༡ལོར་ཀུང་སིས་སི་ཁྲོན་ཞིང་ཆེན་དམངས་གཉེར་རིིག་གནས་ཐོན་ལས་ཁེ་ལས་རྩེ་གྲས་བརྒྱའི་ནང་གི་༼བཟོ་རྩལ་མཛེས་རིས་རྩེ་གྲས་བཅུའི་ནང་གྲས་༽ཀྱི་མཚན་སྙན་ཐོབ།