བསྟན་པ་རབ་བརྟན།
དུས་ཚོད། ： 2016-11-01 རགས་གཟིགས་ཐེངས་གྲངས།：
བསྟན་པ་རབ་བརྟན་ནི་༡༩༤༡ལོའི་ཟླ་༧པར་བོད་ལྗོངས་ཆུ་ཤུར་ཡུལ་གྱི་ལྷ་རིས་པའི་ཁྱིམ་རྒྱུད་ཞིག་ནས་འཚར་ལོངས་བྱུང་ཞིང་། ༡༩༤༨ལོར། རྒྱལ་བའི་ཁམས་བཟང་སྟེ་ལྷ་སའི་སྒེར་འཛུགས་སློབ་གྲྭ་ཞིག་ནས་སློབ་སྦྱོང་ལ་འབད་པ་བྱས། ༡༩༥༢ལོར་ཡབ་ཆེན་གྱི་མཛུབ་སྟོན་འོག་ཐང་ག་རི་མོའི་ལམ་བུ་ཐོག་ཏུ་བསྐྱོད་འགོ་ཚུགས། ཁོང་ནི་རྒྱལ་ཁབ་རིམ་པའི་དངོས་མིན་ཤུལ་བཞག་རིག་གནས་སྨན་ཐང་ལུགས་ཀྱི་བྲིས་རྒྱུན་རྒྱུན་འཛིན་པ་གྲགས་ཅན་དང་ཀྲུང་གོའི་མཛེས་རྩལ་མཐུན་ཚོགས་ཀྱི་ཁོངས་མི། བོད་ལྗོངས་དམངས་ཁྲོད་མཛེས་རྩལ་མཐུན་ཚོགས་ཀྱི་ཚོགས་གཙོ་དང་བོད་ལྗོངས་སློབ་གྲྭ་ཆེན་མོའི་སྒྱུ་རྩལ་སློབ་གླིང་རི་མོའི་ཚན་ཁག་གི་བོད་ཀྱི་རི་མོའི་ཆེད་མཁས་དགེ་རྒན་དང་ཞིབ་འཇུག་སློབ་མའི་མཛུབ་སྟོན་དགེ་རྒན་གྱི་འགན་ཅི་ལྕོགས་སུ་བཞེས་བཞིན་ཡོད།
༡༩༨༠ལོར། བོད་ལྗོངས་དགེ་འོས་སློབ་གླིང་ནས་བོད་ཀྱི་སྒྲུང་བརྩམས་རིང་མོ་༼གེ་སར་རྒྱལ་པོ་༽བསྐྱར་གསོ་ལས་ཀའི་ནང་ཞུགས་ཤིང་བར་བཅད་རི་མོའི་ལས་འགན་སྒྲུབ། བར་བཅད་རི་མོ་༼མོན་གླིང་གཡུལ་འགྱེད་༽དང་༼སོག་གླིང་གཡུལ་འགྱེད་༽། ༼སུམ་པ་མཛོ་རྫོང་༽སོགས་བྲིས་ནས་གྲུབ་འབྲས་ཕུལ་དུ་བྱུང་བ་བླངས་པས་ན་རྒྱལ་ཁབ་རིག་གནས་པུའུ་སོགས་ཀྱི་སྡེ་ཁག་གིས་སྔོན་ཐོན་མི་སྣའི་གཟེངས་བསྟོད་བྱ་དགའ་གནང་།
༡༩༨༤ལོར། བོད་ལྗོངས་སློབ་གྲྭ་ཆེན་མོའི་སྒྱུ་རྩལ་སློབ་གླིང་དུ་དགེ་རྒན་གྱི་འགན་བཞེས་པ་དང་དུས་མཚུངས་སུ་༼བོད་ཀྱི་རི་མོའི་སློབ་དེབ་ལག་ལེན་ཞུན་ཐིགས༽་ཞེས་པ་གསར་དུ་བརྩམས།
༡༩༨༥ལོར། ༼གླིང་རྗེ་གེ་སར་རྒྱལ་པོའི་སྒྲུང་༽གི་ཞིབ་འཇུག་ཐད་རྒྱལ་ཁབ་ཚན་རྩལ་གླིང་དང་རིག་གནས་པུའུ་སོགས་སྡེ་ཁག་ལྔ་ཡིས་སྔོན་ཐོན་མི་ སྣའི་གཟེངས་བསྟོད་བྱ་དགའ་གནང་།
༡༩༨༧ལོར། ཙིན་ཞོན་ཙི་རྒྱལ་ཡོངས་མཐོ་རིམ་དགེ་འོས་གླིང་གི་དགེ་རྒན་གྱི་གྲས་ནས་ཨང་གཉིས་པའི་གཟེངས་བསྟོད་བྱ་དགའ་ཐོབ།
༡༩༨༩ལོར། རྒྱལ་ཁབ་སློབ་གསོ་ཨུ་ཡོན་ལྷན་ཚོགས་ཀྱིས་ཕུལ་བྱུང་སློབ་ཁྲིད་གྲུབ་འབྲས་ཀྱི་བྱ་དགའ་གནང་།
༡༩༩༡ལོར་བརྩམས་ཆོས་༼སའི་གོ་ལས༽་འཇའ་པན་དུ་སྤེལ་བའི་དུས་བཞིའི་བརྩམས་ཆོས་འགྲེམས་སྟོན་ཁྲོད་ཟངས་ཀྱི་རྟགས་མའི་བྱ་དགའ་བླངས་ཤིང་གནས་དེར་ཉར་ཚགས་བྱས།
༡༩༩༡ལོར་བོད་རང་སྐྱོང་ལྗོངས་ཕུལ་བྱུང་ཆེད་མཁས་པའི་གྲས་སུ་བདམས་ཐོན་བྱུང་།
༡༩༩༢ལོར་བརྩམས་ཆོས་༼དཔལ་ལྡན་ལྷ་མོས༽་སྐབས་གཉིས་པའི་མི་རིགས་རིག་གནས་དངོས་མང་སྟོན་ཚོགས་ཁྲོད་ཕུལ་བྱུང་བརྩམས་ཆོས་ཀྱི་བྱ་དགའ་ཐོབ།
༡༩༩༥ལོར། ཀྲུང་གོའི་མི་སྣ་གྲགས་ཅན་གྱི་བརྩམས་ཆོས་གྲགས་ཅན་འགྲེམས་སྟོན་ཁྲོད་བརྩམས་ཆོས་༼རྟ་རྒྱུགས་༽ལ་ཕུལ་བྱུང་བྱ་དགའ་ཐོབ།
༡༩༩༥ལོར། རྒྱལ་ཡོངས་ཀྱི་རང་སྦྱོང་འཇོན་ཐང་མི་སྣའི་བྱ་དགའ་ཐོབ།
༡༩༩༥ལོར། བོད་ལྗོངས་རྩོམ་རིག་སྒྱུ་རྩལ་གྱི་ཆེས་མཐོའི་གྲུབ་འབྲས་བྱ་དགའ་སྟེ་ཇོ་མོ་གླང་མའི་རྩོམ་རིག་སྒྱུ་རྩལ་གྱི་བྱ་དགའ་ཐོབ།
༡༩༩༦ལོར། ༼བོད་ཀྱི་རི་མོ་༽ཡི་དཔེ་དེབ་དཔར་དུ་བསྐྲུན།
༡༩༩༧ལོའི་ཟླ་༡༢པར་ཙིན་ཞན་ཙི་སློབ་གསོ་ཐེབས་རྩ་ཚོགས་པའི་མཐོ་རིམ་དགེ་འོས་སློབ་གླིང་གི་དགེ་རྒན་གྱི་གྲས་ནས་ཨང་གཉིས་པའི་བྱ་དགའ་ཐོབ།
༡༩༩༨ལོར་རང་ཉིད་ཀྱིས་མདོ་འཛིན་བྱས་པའི་བོད་རང་སྐྱོང་ལྗོངས་ཀྱི་གལ་ཆེ་བའི་ཚན་རིག་ལག་རྩལ་ཞིབ་འཇུག་གི་ལས་གཞི་སྟེ་བོད་ཀི་་སྲོལ་རྒྱུན་རི་མོའི་ཚོན་རྒྱུ་བསྐྱར་གསོ་དང་འཕེལ་རྒྱས་ཐད་ལ་ཞིབ་འཇུག་ཞིབ་འཇུག་བྱས་པས་རང་སྐྱོང་ལྗོངས་ཚན་རྩལ་ཞིབ་འཇུག་ཨུའུ་ཡོན་གྱི་ཆེད་མཁས་མི་སྣས་ཞིབ་བཤེར་བྱས་པ་བརྒྱུད་རང་སྐྱོང་ལྗོངས་ཁོངས་ནས་གྲུབ་འབྲས་ཆེས་ཆེ་བླངས་ཤིང་དུས་མཚུངས་སུ་རྒྱལ་ཁབ་ཀྱི་ཆེད་ཁེ་དབང་ཆ་ཐོབ།
༡༩༩༩ལོར། སྐབས་གཉིས་པའི་ཀྲུང་གོ་མིའི་སྒྱུ་རྩལ་འགྲན་ཚོགས་ཁྲོད་བརྩམས་ཆོས་༼གནས་བརྟན་བཅུ་དྲུག་གི་ནང་ཚན་མ་ཕམ་པའི་ཐང་ག་༽ཡིས་རྒྱལ་སྤྱིའི་གསེར་གྱི་རྟགས་མའི་གཟེངས་བསྟོད་བྱ་དགའ་ཐོང་ཅིང་འཛམ་གླིང་གྲགས་པའི་ཀྲུང་གོའི་འཇོན་ལྡན་སྒྱུ་རྩལ་པའི་མཚན་སྙན་ཐོབ།
༡༩༩༩ལོར། ཧྥེ་གླིང་གི་རྒྱལ་ཁབ་བཞི་རུ་མཚམས་འདྲི་ཕེབས་ཤིང་རང་གི་བརྩམས་ཆོས་༼གྲྭ་བ༽་ཨེ་ཅིབ་ཀྱི་བཤམས་སྟོན་ཁང་དུ་ཉར་ཚགས་བྱས།
ཚན་རིག་ཞིབ་འཇུག་གི་ཐད་ནས།
༢༠༠༠ལོའི་ཟླ་༤པར། རྒྱལ་སྲིད་སྤྱི་ཁྱབ་ཁང་གིས་རྒྱལ་ཡོངས་སྔོན་ཐོན་ལས་སྒྲུབ་པའི་མཚན་སྙན་གནང་ཞིང་དཔྱད་རྩོམ་༡༧ལ་བྱ་དགའ་ཐོབ་པས་མ་ཚད་སྔ་རྗེས་སུ་༼བོད་ལྗོངས་སྒྱུ་རྩལ་ཞིབ་འཇུག་༽གི་དུས་དེབ་ཐོག་ཏུ་མང་དུ་སྤེལ་ཡོད།
༢༠༠༣ལོར། ངག་དབང་འཇིགས་མེད་དང་མཉམ་འབྲེལ་བྱས་ཏེ་༼བོད་ཀྱི་རི་མོའི་ལོ་རྒྱུས་མདོར་བསྡུས་༽དང་༼རྒྱ་བོད་བོད་རྒྱ་མཛེས་རྩལ་ཚིག་མཛོད་༽བཅས་གསར་དུ་བརྩམས།
༢༠༠༥ལོར། འཇའ་པན་རྒྱལ་འཛུགས་ནང་བསྟན་སློབ་གྲྭ་ཆེན་མོའི་གདན་ཞུ་ལྟར་འཇའ་པན་དུ་འཆད་ཁྲིད་གནང་བར་ཕེབས།
