ཉོ་སྒྲུབ་ཤེས་བྱ།
བརྩམས་ཆོས་ཀྱི་སྐོར།
ཕན་བདེ་ཐང་གའི་རིག་གནས་ཁྱབ་སྤེལ་ཚད་ཡོད་ཀུང་སིའི་ཐང་ག་རིགས་བཞི་རུ་དབྱེ་ཡོད། རིམ་བཞིན་དུ་སྤུས་ལེགས་བརྩམས་ཆོས་དང་ཚད་ལྡན་བརྩམས་ཆོས། སློབ་མའི་བརྩམས་ཆོས་དང་སྐྱ་རིས་དངོས་བྲིས་བརྩམས་ཆོས་བཅས་ཡིན།
སྤུས་ལེགས་བརྩམས་ཆོས་དག་ནི་མཛུབ་སྟོན་དགེ་རྒན་དག་གིས་དངོས་སུ་མཛུབ་སྟོན་འོག་དགོས་མཁོ་མི་སྣའི་རེ་འདུན་ལྟར་སྒྲིག་བཟོ་བྱས་པ་དང་རང་བདག་གསར་གཏོད་གནང་ནས་དངོས་བྲིས་བརྩམས་ཆོས་ཀྱང་ཀྱང་ཡིན།
ཚད་ལྡན་བརྩམས་ཆོས་ཡོད་ཚད་ལྷ་རིས་པས་གསར་རྩོམ་བྱས་པ་ཡིན་ལ་དེར་ལྷ་རིས་པའི་ལག་རྩལ་གཞིར་བྱས་ཏེ་རིམ་པ་དང་པོ་དང་གཉིས་པ། གསུམ་པ་བཅས་དབྱེ་བ་གསུམ་དུ་དབྱེ་ཡོད།
སློབ་མའི་བརྩམས་ཆོས་ནི་མཐར་ཕྱིན་སློབ་མའི་དངོས་སྦྱོང་བརྩམས་ཆོས་དག་ཡིན་ལ། བརྩམས་ཆོས་འགའ་རེའི་ནང་དུ་རྒྱ་ཚོན་ཅུང་འདུས་ཡོད།
སྐྱ་རིས་དངོས་བྲིས་བརྩམས་ཆོས་ཡོད་ཚད་མཛུབ་སྟོན་དགེ་རྒན་དང་ལྷ་རིས་པའི་དངོས་བྲིས་བརྩམས་ཆོས་ཀྱང་ཀྱང་ཡིན།
སྤུས་དག་འགན་ལེན། ཕན་བདེ་ཐང་གས་ཚད་ལྡན་བརྩམས་ཆོས་ཡོད་ཚད་གཏེར་དངོས་རྡོ་ཚོན་དག་མས་ལག་བྲིས་བྱས་པས་མ་ཚད། རིན་གོང་འོས་ཤིང་འཚམ་པ་དང་སྤུས་དག་ཡིན་པར་འགན་ལེན་བྱེད་ཆོག
ཉོ་སྒྲུབ་མི་སྣས་སྤུས་ལེགས་དང་ཚད་ལྡན་བརྩམས་ཆོས་དག་ཉོས་ན་ཤོག་བཟོས་ཉར་ཚགས་དཔང་ཡིག་དང་ཡིག་རྡུལ་ཅན་གྱི་ཉར་ཚགས་དཔང་ཡིག་རེ་སྤྲོད་རྒྱུ་ཡོད། དེའི་ནང་དུ་ཐང་ག་འབྲི་བཟོ་དང་རིམ་པ་ཆ་ཚང་གི་བརྙན་འཕྲིན་སོགས་མྱུན་མང་གཟུགས་ཀྱི་རྒྱུ་ཆ་གང་མང་འཛོམས་ཡོད།
ཕན་བདེ་ཐང་གའི་བརྩམས་ཆོས་ཡོད་ཚད་ལག་བྲིས་ཀྱང་ཀྱང་ཡིན་པས་བརྩམས་བྱ་གཅིག་འདྲ་ཡིན་རུང་བརྩམས་ཆོས་གཅིག་འདྲ་ཡོང་ཐབས་མེད་པས་ཚང་མར་དགོངས་འགལ་མེད་པ་ཞུ་ཞུ།
ཐོན་རྫས་ཕར་བསྐུར་བའི་ཐད་ལ།
རྒྱུན་ལྡན་ལྟར་ན་དགོས་མཁོ་མི་སྣས་རིན་གོང་སྤྲོད་རྗེས་ཀྱི་ཆུ་ཚོད་༤༨ཀྱི་ནང་དུ་ཐོན་རྫས་ཕར་བསྐུར་རྒྱུ་ཡིན། བརྩམས་ཆོས་སྤྱིའི་དུས་ཚོད་བཀོད་ སྒྲིག་ནི་ཐང་ག་སྒྲིག་བཟོའི་དུས་ཡུན་རིང་ཐུང་དང་བསྟུན་ཏེ་དགོས་མཁོ་མི་སྣ་དང་གྲོས་བསྡུར་བྱས་རྗེས་གཏན་འཁེལ་བྱ་རྒྱུ་ཡིན། ཐོན་རྫས་ཕར་བསྐུར་རྗེས་ཀྱི་ཉིན་༣ནས་༥ཡི་བར་དུ་ཁྱོད་རང་གི་ལག་ཏུ་ཐོན་ཡོང་ལ། ཞིབ་ཕྲའི་མགྱོགས་ཚད་དེ་གནས་དེ་གའི་ཟོང་འདྲེན་མགྱོགས་ཚད་དང་འབྲེལ་བ་ཡོད། ངེད་ཚང་གིས་གཟའ་མཇུག་ཏུའང་དུས་ལྟར་ཐོན་རྫས་བསྐུར་རྒྱུ་ཡིན་ལ་ཁྲིམས་བཀོད་ངལ་གསོའི་དུས་ཚོད་ནང་དུ་ཐོན་རྫས་བསྐུར་རྒྱུ་མིན། གལ་སྲིད་ཁྱོད་རང་ལ་དགོས་མཁོ་ཡོད་པའི་ཐང་ག་མིག་སྔར་མེད་པ་ཡིན་ན་ངེད་ཚང་གིས་ཁྱེད་དང་འབྲེལ་བ་བྱས་རྗེས་ཐང་ག་ནམ་བསྐུར་བཀོད་སྒྲིག་བྱ་ཆོག
ཚོན་མདངས་ཀྱི་ཧེ་བག
དྲ་ལམ་དུ་ཡོད་པའི་བརྩམས་ཆོས་དག་ལ་ཡུལ་དངོས་ནས་པར་ལེན་བྱས་རྗེས་མཛེས་བཟོ་ཅུང་བྱས་ཡོད་ལ་ཐང་ག་དངོས་དང་ཧེ་བག་ཅུང་ཡོད་སྲིད། ཡིན་ནའང་འོད་དང་འཆར་ཤེལ་གྱི་ཚོན་མདངས། མི་སྒེར་གྱིས་ཚོན་མདངས་ལ་བཟུང་བའི་ལྟ་ཚུལ་སོགས་ཀྱིས་དངོས་ཡོད་ཐང་ག་དང་ཧེ་བག་ཅུང་ཡོད་ནའང་འདི་ནི་སྤུས་ཀའི་གནད་དོན་མ་ཡིན་ལ་ཁྱོད་རང་གིས་ཐང་ག་དངོས་ལ་གཟིགས་རྗེས་ཚང་མ་ཤེས་ཐུབ།
སྤུས་ཀའི་ཐད་ལ།
དྲྭ་ལམ་དུ་ཡོད་པའི་ཐང་ག་ཡོད་ཚད་ལག་བྲིས་བྱས་པ་ཀྱང་ཀྱང་ཡིན་ལ། རིག་གོང་དེ་ཐང་ག་རི་མོ་ཁོ་རང་གི་ཐོག་ནས་གཏན་འཁེལ་བྱས་ཡོད་པས་རྒྱན་དང་གོས་ཤན་དེ་ཚོ་འདིའི་ནང་དུ་འདུས་མེད། ལག་བྲིས་བརྩམས་ཆོས་དེ་པར་འདེབས་བརྩམས་ཆོས་དང་མི་འདྲ་བས། རི་མོའི་འཐེན་ཆ་དང་ཚོན་བཅད་སོགས་སྐྱོན་ཅུང་ཙམ་ཡང་མེད་པ་སུས་ཀྱང་ཁག་ཐེག་བྱེད་དཀའ་བས་ཚང་མར་དགོངས་འགལ་མེད་པ་ཞུ་ཞུ།
ཉར་ཚགས་དང་ཤན་རྒྱན་མཛེས་བཟོ།
ཐང་ག་བཤམས་པའང་ཡང་ན་དྲིལ་བ་གང་ཡིན་རུང་ཁོར་ཡུག་གཙང་ཞིང་རླུང་གཡུགས་བའི་གནས་སུ་ཉར་དགོས་ཤིང་བརླན་བཤེར་ཆེ་བ་དང་ཆུ་དང་འདྲེས་པ། ལྟེ་ཆག་དང་ཅ་ལག་ལྗིད་མོའི་འོག་ཏུ་འཇོག་མི་རུང་། ནམ་རྒྱུན་སྐེམ་རྫས་དང་འདྲེས་ནས་བཞག་དགོས། ཐང་ག་ནི་པར་སྒམ་ནང་དུ་འཇུག་ཆོག་ལ་གོས་ཤན་གྱིས་རྒྱན་ཡང་ཆོག ཐང་ག་དགོས་མཁོ་མི་སྣས་རང་གི་དགོས་མཁོ་ལྟར་དུ་དེ་ལུགས་བྱའོ། གོང་གི་གནད་དོན་དག་ལ་གཟབ་ནན་བྱས་པའི་འོག་ཉར་ཚགས་ཀྱི་གནད་དོན་གཞན་དག་ཡོད་ན་འབྲེལ་གཏུགས་ཁ་པར་བརྒྱུད་ནས་ང་ཚོ་དང་འབྲེལ་བ་བྱེད་ཆོག
ཚོང་རྫས་ཕྱིར་སློག་པའི་ཐད་ལ།
ཕྱིར་སློག་པའི་ཆ་རྐྱེན། གཅིག ལག་བྲིས་མ་ཡིན་པ། ༼འགོ་རས་གཞི་ནས་མཇུག་ཐང་ག་ལེགས་འགྲུབ་་བྱུང་བའི་བར།༽ གཉིས། གཏེར་དངོས་ཀྱི་ཚོན་རྩི་མ་ཡིན་པ། གསུམ། རིན་གོང་འོས་འཚམ་མ་ཡིན་པ།
གོང་གི་དོན་ཚན་གཉིས་ཀྱི་གནད་དོན་ཡོད་ཅིང་འབྲེལ་ཡོད་དཔང་ཡིག་འདོན་སྤྲོད་བྱས་རྗེས་ཕན་བདེ་ཐང་གས་ཞིབ་བཤེར་བརྒྱུད་ཐང་ག་ཕྱིར་སློག་བྱས་ཆོག ཐང་གའི་ཁྲོམ་ར་རུ་ཐང་ག་བདེན་རྫུན་མཉམ་འདྲེས་ཆེ་བ་དང་དགོས་མཁོ་མི་སྣའི་སེམས་ཁམས་ལ་དམིགས་ཏེ་ཕན་བདེ་ཐང་གའི་ཚན་ལྡན་བརྩམས་ཆོས་ཡོད་ཚད་གོང་གི་གནད་དོན་གསུམ་འཛོམས་ཡོད་ན་ལོ་གཅིག་གི་རྗེས་སུ་ཐང་ག་ཕྱིར་སློག་པའི་རེ་ཞུ་ཕུལ་ཆོག ༼ལོ་གཅིག་གི་དུས་ཡུན་དུ་ཁྱོད་ཀྱིས་ཐང་གའི་སྤུས་ཚད་དང་ལག་བྲིས། གཏེར་དངོས་ཚོན་རྩི་ཡིན་མིན་སོགས་ཀྱི་ཐད་ནས་ཐང་ག་གཞན་དང་ཞིབ་བསྡུར་བྱས་ཆོག་ལ་དུས་མཚུངས་སུ་འབྲེལ་ཡོད་ཆེད་མཁས་མི་སྣ་དག་ལའང་འདྲི་གཅོད་བྱ་ཆོག༽
གོང་གི་ཕྱིར་སློག་པའི་ཐང་ག་ཡོད་དོ་ཅོག་ནི་ཕན་བདེ་ཐང་གའི་ཚད་ལྡན་དྲ་ཚིགས་ནས་ཉོ་སྒྲུབ་བྱས་པའི་ཐང་ག་དག་ལ་ཟེར།
ཐང་ག་ཞིག་སྲུང་གི་ཐད་ལ།
སྨན་ཐང་ཆེན་མོ་བྲིས་རྒྱུན་འདི་ནི་གཏེར་དངོས་རྡོ་ཚོན་དག་བཙག་འདམ་གྱི་ཐོག་ནས་ཚོན་མདངས་མངོན་པ་བྱས་ཡོད་པས་སྐྱོན་ཕྲན་བུ་རེ་བྱུང་ནའང་བསྐྱར་གསོ་རྒྱ་ཆེན་པོ་བྱེད་དགོས། ལག་ཐོན་རྡོ་ཚོན་གྱི་ཚོན་མདངས་ཀྱང་གཅིག་འདྲ་ཐོན་དཀའ་བས་བསྐྱར་གསོ་དགོས་ན་ཚོན་མདངས་ལ་ཧེ་བག་ཅུང་ཡོད་སྲིད། ཉར་ཚགས་པས་ལོ་གཅིག་གི་རིང་དུ་རང་བདག་ཡག་པོ་མ་བྱས་པའམ་མི་བཟོས་ཀྱིས་སྐྱོན་ཕོག་པ་ཡིན་ན་ཕན་བདེ་ཐང་གས་གནས་ཚུལ་དངོས་ལ་གཞིགས་ནས་ཞིག་སྲུང་རིན་པ་བསྡུ་རྒྱུ་རེད།