སྨན་ཐང་ཆེན་མོ།
ཉེ་རབས་བོད་ཁུལ་དུ་ཤུགས་རྐྱེན་ཆེས་ཆེ་བའི་ཐང་ག བྲིས་རྒྱུན་འདིའི་གསར་གཏོད་པ་ནི་སྨན་བླ་དོན་འགྲུབ་རྒྱ་མཚོ་ཡིན་ཞིང་ད་ལྟའི་བར་དུ་ལོ་ངོ་༦༡༦གི་ལོ་རྒྱུས་ལྡན། སྨན་ཐང་ལུགས་ལ་རྒྱ་གར་བལ་བོའི་རི་མོའི་བྲིས་སྲོལ་ཐོག་བོད་རང་ཁུལ་གྱི་ཐུན་མིན་ཁྱད་ཆོས་དག་གསར་དུ་སྣོན་པས་སྐུ་གཟུངས་ཐིག་རྩ་ཞིབ་ཅིང་ཕྲ་ལ་རི་མོའི་འཐེན་རྩ་མཉེན་ཞིང་གསལ་ཁ་ལྡན་པ། གོ་རིམ་ཆ་ཚང་ཞིང་མཚོན་མདངས་རྣམ་པ་བཀྲ་བ་དང་ཉམས་འགྱུར་ཕུན་སུམ་ཚོགས་པ་སོགས་ཀྱི་ཁྱད་ཆོས་འབུར་དུ་ཐོན་ཡོད།
༢༠༠༦ལོའི་ཟླ་༥པའི་ཚེས་༢༠ཉིན། སྨན་ཐང་ཆེན་མོ་ལ་རྒྱལ་སྲིད་སྤྱི་ཁྱབ་ཁང་གིས་ཆོག་མཆན་གནང་བ་བརྒྱུད་ཐེངས་དང་པོའི་རྒྱལ་ཁབ་དངོས་མིན་ཤུལ་བཞག་རིག་གནས་ཀྱི་གྲས་སུ་འཇོག་པ་རེད།
ཕན་བདེ་ཐང་ག་སྤྱི་གཉེར་ཁང་ནི་སྨན་ཐང་ཆེན་མོའི་རྒྱུན་འཛིན་མི་སྣ་གསོ་སྐྱོང་དང་གཞན་ཕན་བྱ་བ་གཙོ་གཉེར་བྱེད་པའི་ལས་ཁུངས་ཤིག་ཡིན།
འགན་འཁྲི་དང་དམིགས་འདུན།
རྒྱུན་འཛིན་མི་སྣ་འཇོན་ཐང་ཅན་ཇེ་ཉུང་དུ་འགྲོ་བ་དང་བྲིས་རྒྱུན་བཟང་པོ་འདི་མི་ཉམས་གོང་འཕེལ་གྱི་ཆེད་དུ་མ་སྐུལ་དང་བླངས་ཀྱིས་རྒྱུན་མཐུད་འཕེལ་རྒྱས་ཡོང་བའི་གར་སྟེགས་འདི་ལྷག་བསམ་དཀར་པོས་བསྐྲུན་པའོ།།
རྒྱུན་འཛིན་མི་སྣ་འཇོན་ཐང་ཅན་གསོ་སྐྱོང་དང་ཐང་ག་ལ་དགའ་ཞེན་ཡོད་པའི་རྒྱ་ཆེའི་མང་ཚོགས་ ལ་ཐང་ག་སྒྱུ་རྩལ་གྱི་གར་སྟེགས་ཤིག་བསྐྲུན་པ་དང་དུས་མཚུངས་སུ་རྒྱལ་ཁབ་ཀྱི་དངོས་མིན་ཤུལ་བཞག་རིག་གནས་སྲུང་སྐྱོབ་ཐད་ཀྱི་འབོད་སྐུལ་ལ་བློ་ཁ་ཕྱོགས་ནས་ཅི་ཐུབ་ཀྱིས་བོད་ཀྱི་སྲོལ་རྒྱུན་རིག་གནས་ཀྱི་ནོར་བུ་འདི་ལ་བྱས་རྗེས་རེ་འཇོག་ཨེ་ཐུབ་ལྟ་རྒྱུ་ནི་ང་ཚོའི་དམིགས་འབེན་ཡིན།
ཕན་བདེ་ཐང་གའི་ལོ་རྒྱུས།
༢༠༡༠ལོའི་ཟླ་༡༢པར་ཕན་བདེ་ཐང་གའི་རིག་གནས་བརྗེ་རེས་ལྟེ་གནས་དབུ་འཛུགས་ཤིང་དེའི་ནང་དུ་དྭ་ཕྲུག་དང་དབང་པོ་སྐྱོན་ཅན། དེ་མིན་ཁྱིམ་ཚང་དབུལ་པོ་ཡིན་པའི་གཞི་རིམ་མང་ཚོགས་ནས་སློབ་མ་བསྡུས་ཏེ་སྨན་ལུགས་ཐང་གའི་བྲིས་རྒྱུན་ཆགས་ཡང་བྱས་ཏེ་སློབ་ཁྲིད་བྱེད་བཞིན་ཡོད་ལ། ༢༠༡༦ལོར་ཕན་བདེ་ཐང་རིག་གནས་བརྗེ་རེས་ལྟེ་གནས་ཀྱིས་རྨང་གཞི་བྱས་ཏེ་ཕན་བདེ་ཐང་གའི་ལས་ཁུངས་དབུ་བརྙེས་པ་རེད།
དེའི་ཆེད་དུ། ཕན་བདེ་ཐང་གའི་བརྩམས་ཆོས་དག་ནི།
ལག་བྲིས་དག་མ་ཡིན་པ། ༼རིས་གཞི་བཟོ་བ་དང་བརྡར་བ། སྐྱ་རིས། བཅད་རྒྱག་པ། ཚོན་བྱུགས་པ། ཚོན་བཀྱེད་རྒྱག་པ། གསེར་གྱིས་ཤན་པ། སྤྱན་འབྱེད་བྱེད་པ་སོགས་ཀྱི་གོ་རིམ་ཆ་ཚང་ལྡན་ཡོད།༽ལག་བྲིས་ནི་ལྷ་རིས་པའི་དད་པ་རྩེ་གཅིག་ཏུ་བསྐྱངས་བའི་བརྩམས་ཆོས་ཡིན།
བརྩམས་ཆོས་འབྲི་བའི་གོ་རིམ་ཆ་ཚང་སྨན་ཐང་ཆེན་མོའི་ལོ་རྒྱུས་ཁུངས་དག་ལ་གཏུགས་ཤིང་༦༡༦གི་ལོ་རྒྱུས་ཡུན་རིང་ལྡན་པའི་སྨན་ཐང་ལུགས་ཀྱི་བརྩམས་ཆོས་དག་མ་དག་གིས་ལོ་རྒྱུས་དངོས་བསྐྱར་མཚོན་བྱས་ཏེ་གསོན་མདངས་དང་གཟི་ཤུགས་སྔར་ལས་རྣམ་པ་བཀྲ་བཞིན་ཡོད།
རང་བྱུང་གི་ལྷོད་མེད་གཏེར་རྡོ་དང་སྐྱེ་དངོས་ཀྱིས་མ་བཅོས་རྒྱུ་ཆ་བྱས་ཡོད་པས་ལོ་ངོ་སྟོང་གི་དུས་ཡུན་བརྒྱུད་ཀྱང་མཚོན་མདངས་ལ་འགྱུར་བ་བྱུང་མི་སྲིད།
དོན་དམ་པའི་བརྩམས་ཆོས། ཕན་བདེ་ཐང་ག་ནི་མི་སྣ་འཇོན་ཐང་ཅན་གསོ་སྐྱོང་གི་ཆེད་དུ་འཛུགས་པ་ཡིན་པས་སྒྱུ་རྩལ་བརྩམས་ཆོས་དང་རིན་གོང་གཉིས་མཉམ་གཤིབ་མཉམ་འགྲོ་ཡིན།
༢༠༡༢ལོར་དགེ་རྒན་ཆེན་མོ་བསྟན་པ་རབ་བརྟན་ཆེད་དུ་ཕན་བདེ་ཐང་ག་སློབ་གྲྭའི་སྐལ་ལྡན་སློབ་མ་རྣམས་ལ་འཆད་ཁྲིད་ཡོང་དུས་ཀྱི་འདྲ་པར།
༢༠༡༢ལོར་ལྔ་རིག་ནང་བསྟན་སློབ་གླིང་གི་མཁན་པོ་ཚུལ་ཁྲིམས་བློ་གྲོས་ཆེད་དུ་ཕན་བདེ་ཐང་ག་སློབ་གྲྭའི་སྐལ་ལྡན་སློབ་མ་དག་ལ་འཆད་ཁྲིད་ཡོང་དུས་ཀྱི་འདྲ་པར།
༢༠༡༥ལོར་གསེར་རྟ་ལྔ་རིག་ནང་བསྟན་སློབ་གླིང་གི་མཁན་པོ་ཚུལ་ཁྲིམས་བློ་གྲོས་དང་གཞི་ཆེན་དགོན་པའི་སྤྲུལ་སྐུ་འཇིགས་མེད་དཔལ་བཟང་ཕན་བདེ་ཐང་ག་སློབ་གྲྭའི་སྐལ་ལྡན་སློབ་མ་དག་ལ་འཆད་ཁྲིད་ཡོང་དུས་ཀྱི་འདྲ་པར།
༢༠༡༥ལོར་གསེར་རྟ་ལྔ་རིག་ནང་བསྟན་སློབ་གླིང་གི་མཁན་པོ་ཁྱབ་བརྡལ་དང་གཞི་ཆེན་དགོན་པའི་སྤྲུལ་སྐུ་འཇིགས་མེད་དཔལ་སངས་ཕན་བདེ་ཐང་གའི་སློབ་གྲྭ་རུ་སྐལ་ལྡན་སློབ་མ་དག་ལ་འཆད་ཁྲིད་ཡོང་དུས་ཀྱི་འདྲ་པར།
༢༠༡༥ལོར་གཞི་ཆེན་དགོན་པའི་སྤྲུལ་སྐུ་འཇིགས་མེད་དཔལ་བཟང་ཕན་བདེ་ཐང་ག་སློབ་གྲྭའི་སྐལ་ལྡན་སློབ་མ་ཚོར་འཆད་ཁྲིད་ཡོང་དུས་ཀྱི་འདྲ་པར།
༢༠༡༤ལོར་སྤྲུལ་སྐུ་རྡོ་རྗེ་བརྟན་ཕན་བདེ་ཐང་གའི་སློབ་གྲྭ་རུ་འཆད་ཁྲིད་ཡོང་དུས་ཀྱི་འདྲ་པར།
༢༠༡༤ལོར་སྤྲུལ་སྐུ་རྡོ་རྗེ་བརྟན་ཕན་བདེ་ཐང་གའི་སློབ་གྲྭ་རུ་འཆད་ཁྲིད་ཡོང་དུས་ཀྱི་འདྲ་པར།